兒時的夢幻國度,до свидания ! 0w0/
Hello~/以藍色為主題嘅畫介面,畫嘅中間有一橦極具
希臘色彩嘅神殿,並且播住悠揚嘅樂曲。略等一下
,畫面中央出現一個登入介面,係我眼中,佢總會
若暗若明,似要催促我加快打帳號嘅手指,催促我
盡快完成手上嘅任務,催促我找緊時間趕上大伙。
選擇人物後,總會先聽到活潑嘅背景樂曲﹑凌亂
嘅步伐聲,以及使用技能嘅效果聲,然後先能夠從
黑幕中解放,目到呢個【世界】主城-尼亞皇城嘅繁
榮盛況。
以上就係我腦海中,星夢為我留下嘅最深刻印象。
起初因為朋友介紹而踏入呢個嘅夢,但未有幾耐,
年幼嘅我就已經沉醉左係呢個夢幻國度中。
我第一個職業係聖靈使,一個毫冇攻擊力可言嘅職
業。而選擇佢嘅原因,依加已經十分朦糊,或許只係
跟隨友人嘅選擇,亦或許係出自小時嘅善良。
經過一年多努力,好唔容易由初心者升到54lv,但
後來習慣獨行嘅我發現,以聖靈使尼講,實在難以再提
升。因為隨住回復能力日漸普及化,聖靈能力已經唔再
獨特。故此決定展開魔導使嘅新一章節。
可惜,抱住魔導擁有強力"爆擊"呢個優勢,去到72lv
就完結,再因為獅翼﹑龍頭﹑兔紋等"破壞性"道具出現,
職業﹑等級﹑甚至努力都唔再重要。
然後,心灰已冷嘅我,就咁離開左小時嘅夢幻國度。
但依加回頭一望,事實上星夢唔單止提供左一個玩樂嘅
園地比小時嘅我。因為需要溝通,我不知不覺學識打字,因
為需要金錢,我體會到咩叫節衣縮食,因為有交易,我第一
次嘗試到受騙嘅不憤。
以上全都係我通過呢個夢時,所領略﹑所明白﹑所體會到嘅
事情。儘管只係一個遊戲,但所學到嘅確鑿存於心中。
最後嘅最後~
容我在此對你說聲再見。до свидания,我兒時嘅夢夢幻國度! 文筆唔錯 , 我都係因為玩星夢先識打字 文筆唔錯 , 我都係因為玩星夢先識打字
愛玩樂 發表於 12-8-2012 13:59 http://www.nakuz.com/bbs/images/common/back.gif
意外地有人回 Owo ! 意外地有人回 Owo !
藤星 發表於 13-8-2012 22:08 http://www.nakuz.com/bbs/images/common/back.gif
又唔係死城 , 有咩好意外喎XD
頁:
[1]