申請人：小啡＿
申請討論板：天外online官方推薦
最常出現的討論板：天外版,星夢版,電視版,聊廣
每日瀏覽論壇時間：10小時左右 因本人係讀ive修電腦經常可以上網,所以係上堂,lunch既空餘時間都可以check版
對申請的討論版有關的專長：3年前天外公測玩過,近日研究左天外好多攻略網及經常睇post所以對天外都有d了解
如果能擔任版主一職,將會如何管治該版塊：本人雖然此帳號只有11日,但本人之前。咖啡。的帳號已經有註冊左500多天的會員
而之前亦有擔任半年之多的星夢版版主,其後因無再玩星夢而離任,但亦有留於子版工作幫手一段日子
因此憑住本人過往做版主的經驗,深明只有set版規同埋死板照版規做事的方針是錯誤的
因為做版主處理任何事都要識轉灣,如果太死板只照版規做事會令會員同版主之間有好多誤會
因此要用另一個比較溫和既手段,要親民;係game內同樂古都多d同會員傾下計,了解下佢地對個版既睇法
咁樣就會令到d會員對版主服從,而且版主亦得到會員既信任
而做事要公私分明,唔可以因為識某一個會員而偏幫;就算係版主犯規都要與會員同罪
此外,如果我可以做版主既話就會多搞活動,令到會員對樂古增加歸屬感
另外本人亦唔會因為會員投訴而作出任何對會員無禮的言行,罵戰等;會盡力保持冷靜向會員了解
亦會盡力解答會員問題,以盡版主的責任
對論壇的發展的明確建議：建議可以先多宣傳樂古的即時戰鬥game系統,如多於其他網站,論壇宣傳樂古的cs/hp/aoc比賽,以增加知名度
另外亦可多宣傳樂古的交友系統,可以設計一系統的banner係樂古主頁吸引遊客
至於論壇其他部分可以選擇係每月都設計一個主題再係樂古主頁宣傳某一個討論區
例如可以係二月設計一d banner係樂古主頁登上,宣傳情人節及戀愛版
一黎可以應節二黎提高討論區的知名度
其次可以同多d有合作既onlinegame搞一d活動,好似徵文比賽,貼圖比賽等
本人誠心希望可以成為樂古天外online之版主
以心服務會員,以行動証明本人的誠意
至於本人的帳號希望可以得到接受申請,因本人前帳號。咖啡。本人已沒有使用
但本人此終於樂古有500多天的註冊,雖不算老手,但也算是了解樂古
再者,本人曾任版主,而且同是onlinegame,處理版務時也會比較易上手
希望可以成為版主^^
祝樂古上線人數一日比一日多,版主及管理層工作順利 |
發表於 26-11-2006 21:36:43