數學溫書方法+補習問題

小雪冰

回復 3# 小鷹!
先利申 我係13年DSE考生

um 首先我個人認為數學唔係天才科黎
數學同中英唔同
如果真係要比較 我覺得中英更加似天才科
事關中英好難話有d咩特定材料 溫完就會好高分咁
但數學真係可以靠死做爛做屈個至少5*番黎
因為數學有model ans呀嘛...haha

跟住 我想問下你會點樣操數法?
可唔可以講詳細d
例如 你會做咩程度既題目咁
話說做數要訓練既唔係死板既諗法
而係一種sense 類似直覺既物體
姐係你最終同埋最理想既目標 係將自己訓練到見到條題目
就會知道佢想你做d乜
同埋通常會做d乜咁

ce past paper sec B就特別靠你識唔識得善用資料
包括題目有比 同埋每part既答案
因為佢唔會好似sec A咁 提好多野比你
而係佢講完之後 睇你識唔識得搵佢出黎
再連埋一齊 搵出當中既關係咁

我講下我自己覺得有用既方法啦 你睇下有冇咩可以參考下
past paper呢 我就覺得點都要試下做
話哂past paper係最貼近公開試既題目 又係考評局出既
係最完美既練習材料黎
唔使驚好似坊間果d咁 題型出得唔似 古古怪怪之餘
d題目有時又出得唔好
總之成效唔大

至於你話驚哂左份past paper既
其實唔使太擔心 maths CE有成三十年
當然 有d太早既又唔係咁貼近宜家呢個時代
但係講真 你做最近二十年都做死你orz

咁當然 唔係話因為有大量既paper就拿拿林衝去做
做之前當然要打好個底先
我覺得起碼要識做哂書入面d題目先
極難果d 姐係鑽石題
(我諗你都係用緊NSS maths in action / 新高中數學與生活? 咁應該明我講緊咩)
就可以唔使 因為果d真係難得濟orz

之後 你都仲係驚既
可以先試下section A1-2 / 甲部1-2 黎試水溫
section B可以打後先做
總之都係睇番你自己進度啦
你見section B唔妥 咪遲d先做
或者逐個分題做
先摸熟模式 再慢慢進攻sec B
不過如果你始終都係覺得sec B太難既
咁就可以考慮主攻sec A
sec B識就識 唔識就唔識咁
有小小分執既就盡執
個grade都唔會太爛既

話說我有補過dick hui
佢講野好快 同埋唔會同你慢慢做題目
佢每堂既目標都係教你做數既方法
姐係點樣由d字眼黎推測題目既做法
字裡行間又有咩提示咁
而唔係steps
佢期望你已經識 / 番到屋企先慢慢補steps
我一開始補都唔習慣 因為我從來未試過咁既補習方式orz
後尾先開始慣 但係其實有時都幾趕
所以程度稍為不足都唔好補佢 唔係盞哂錢同時間