數學溫書方法+補習問題

小鷹!

是咁的 小弟今年中5,一直以黎d數真係唔係幾掂,可以天生冇呢個天份搞到冇乜心機去讀,

搞到由初中到而家每次數學考試都係岩岩好合格

但今年學期初突然諗通左,想谷一谷d數學,



開頭我真係日日做數學書d數,溫書明明真係做到好熟,仲覺得自己係數學呢科仲有希望


但係一到小測個陣佢出深過數學書d數個陣我就完全唔識做,條數變化同文字題問既野多左,我就淆晒


最後小測都係僅僅合格,我想知各位既溫數學既方法係點,勞煩透露少少出黎比細佬我參考下


另外我仲想1月開始就去補數學,我本身既領悟力係極低,數學頭腦極差


而且我仲上網seach過一d數學既補習名師


發覺有d口碑都唔錯,本人有以下心水:


遵理 Koopa Koo(聽人講佢自己本身好勁,但教人個方面就唔係幾掂,少d領悟力都唔使旨意明)
遵理Herman Yeung(呢個我睇過佢youtube d片,佢講野係幾好笑,所以教書個陣應該幾幽默,但佢教成點就冇乜人講)
現代Dick Hui(好多人都話呢個堅料,但應該都只係能力好既先聽得明,我呢d補可能冇乜用)


我開post之前係有做足功課,但係有d人又話koopa koo教得好,有d又話佢教得唔好,搞到我而家半信半疑


尤其是我呢d數學傻仔去補又驚聽唔明,怕晒錢,希望報之前了解清楚補邊個先適合我呢d數學白痴


我知道呢道數學5星星人材雲集,希望你地可以比小小意見小弟

小鷹!

做PAST PAPER
數學係靠咁做
5**係真係對數學有天份既人拎
普通人最盡係拎5
iversonman 發表於 25-12-2013 22:34

其實我有諗過,但又驚唔識做,最後浪費左份past paper

小鷹!

回復  小鷹!
先利申 我係13年DSE考生

um 首先我個人認為數學唔係天才科黎
數學同中英唔同
如果真係要比較 ...
小雪冰 發表於 27-12-2013 12:51

唔好意思,呢幾日部電腦壞左,所以遲左少少回覆
我詳細少少講下我溫書方法啦
因為我覺得自己數學頭腦太差,所以每教一課我都會做書入面既練習
一開始每一課我都係做Level 1既數,如果某一課係比較容易理解同埋我擅長個飯,我會做晒d數(包括Level1同Level2既數)
例如已經教左既離差只係禁下計數機同小心d做就岩晒,書入面所有有關離差既數我差唔多已經做晒
但係有d數堅係搞唔掂既,例如圓同埋教鈄率個課(唔係幾記得個課叫咩名,有點鈄式個課...),個類數變化比離差大個d課題我只能夠做到Level 1題目
而書入面Level 2既題目我係望到已經淆左
所以有d我都係揀黎做
另外堂上啊sir會派練習WS比我地做,個d數係深過本書,而且有d題型係未做過/未見過,連書d題目都未識得晒,見到呢d簡直o晒嘴,可能我每次做數既時間少,一有諗唔通我好容易放棄
覺得自己永遠唔會識做,唔知係咪呢種心態搞到我淆左,失去自信,定係我溫習方法有問題?定係我應該set個目標比自己每日做10-15條數,事關我係小測之前先溫公式同做數
past paper我覺得有需要做,但係中5既數學課程又未教完,我諗緊好唔好等中5完左先操,始終可能有d公式仲未教,冇左公式好多數都做唔掂

小鷹!

岩咁上水就回一回拉
利申比樓主先 我今年中五咋.. 數學都算吾差



我認為數學其實係4科core入邊最易的 ...
14588563 發表於 27-12-2013 23:21

你講中左我做數好多時都冇數感,有d數人地一望就識做,但係我可能要諗多幾分鐘先諗得通,有時係諗極都唔識

我而家仲掙扎緊補唔補數好,補又驚晒屋企錢,自己又學唔到野

我而家連以前f2教過既因式分解都唔識,d記憶模模糊糊,加上以前又冇心機上數學堂

我堅係驚追唔到